Starfsmaður setur inn beiðni um millisafnalán

Almennar upplýsingar um millisafnalán : Millisafnalán - inngangur

EFNISYFIRLIT

• Skref 1 - Leita að titli sem er verið að biðja um í MSL undir „Allir titlar" 
• Skref 2 - Finna réttan titil og velja „Beiðni um millisafnalán“ undir þrípunktum
• Skref 3 - Fylla út beiðni um millisafnalán fyrir lánþega
• Skref 4 - Fara inn í „Útsendar MSL-beiðnir“ í Útlán
• Skref 5 - Velja „Senda“

Skref 1 - Leita að titli sem er verið að biðja um í MSL undir „Allir titlar" 

Ef lánþegi biður um að láta útbúa millisafnalánabeiðni fyrir sig þarf að byrja á því að finna titilinn. Fletta skal upp titlinum undir „Allir titlar“.

Skref 2 - Finna réttan titil og velja „Beiðni um millisafnalán“ undir þrípunktum

Fyrst skal fullvissa sig um að þitt bókasafn eigi ekki til eintak af titlinum, því ef eintak er til í þínu bókasafni þá þarf lánþeginn ekki millisafnalán heldur venjulega frátektarbeiðni.

Nú þarf að skoða hvaða safn á tiltækt eintak og leggja það á minnið. Þetta er væntanlegur samstarfsaðili.

Athugið að ef titillinn finnst ekki í safnakjarnanum ykkar þarf að skoða upp í Landskjarna hvort að titillinn finnist þar. 

Svo er farið í þrípunktana og velja þar „Beiðni um millisafnalán“. 

Skref 3 - Fylla út beiðni um millisafnalán fyrir lánþega

Nú opnast formið fyrir millisafnalánabeiðni og það þarf að fylla það út fyrir hönd lánþegans. Nauðsynlegt er að fylla út eftirfarandi reiti undir „Eiginleikar beiðni“:

• „Lánþegi“
• „Safn lánþega“ - þetta er safnið sem setur inn beiðnina fyrir hönd lánþegans (þitt safn)
• „Umbeðinn afhendingarstaður“ - ef hann kom ekki sjálfkrafa þarf að fylla það út

• Velja samstarfsaðila

Þegar smellt er á „bæta við samstarfsaðila“ er hægt að leita að bókasafninu sem á að fá millisafnalánabeiðnina. Haka við rétta bókasafnið og ýta á „Velja“.

Þegar búið er að setja inn samstarfsaðila er smellt á „Vista“. 

Ef það koma upp skilaboð „Viðvörun – Umbeðinn titill er til í safnakjarnanum.“ skal smella á staðfesta. 

Nú lokast beiðnaglugginn en það á eftir að senda beiðnina til samstarfssafnsins.

Skref 4 - Fara inn í „Útsendar MSL-beiðnir“ í Útlán

Næst þarf að fara í „Útsendar MSL-beiðnir“ undir útlán til þess að finna beiðnina. 

Beiðnin ætti að vera með stöðuna „Útsend MSL-beiðni var búin til“. 

Skref 5 - Velja „Senda“

Nú er komið að því að senda beiðnina áfram. Til þess að senda beiðnina skal smella á þrípunktana og velja „Senda“. 

Þá fer beiðnin í stöðuna „Beiðni send til samstarfsaðila“.

Nú er boltinn hjá samstarfssafninu. 

Þegar eintakið berst á þitt safn þarftu að nota leiðbeiningarnar Millisafnalán á safni lánþega - tekið á móti, lánað og skilað