Að kveikja á græju fyrir beiðnakerfið og leiðbeiningar

Með nýju beiðnakerfi Landskerfis er nú hægt að tengja græju inn í Gegni sem hægt er að hafa á forsíðunni sinni til þess að auðvelda samskipti við Landskerfi og leit í leiðbeiningum.

Græjan heitir „Fyrirspurnir og leiðbeiningar“. 

Til þess að virkja græjuna er smellt á plúsinn í hægra horninu á forsíðu Gegnis.

Þar skal haka við græjuna „Fyrirspurnir og leiðbeiningar“ og loka glugganum.

Svona lítur græjan út.

Það er mjög gott að byrja á því að smella á „Leit að greinum“ áður en fyrirspurn er send inn til þess að athuga hvort að leiðbeiningar um vandamálið séu þegar til staðar sem hægt er að lesa yfir. 

Það er gert með því að smella á „Leit að greinum“ og byrja að skrifa inn  í reitinn „Leitaðu“.

Ef svarið finnst ekki í leiðbeiningunum þá er hægt að senda inn fyrirspurn í beiðnakerfið. Til þess að senda inn fyrirspurn skal vera í glugganum „Fyrirspurn“. Mikilvægt er að fylla út upplýsingar um „Netfangið þitt“ og „Viðfangsefni“ og senda inn lýsandi upplýsingar um það vandamál sem þið þurfið svar við.

Einnig getur verið gott að senda inn mynd af öllum skjánum með beiðninni. Hægt er að senda inn viðhengi með því að smella á bréfaklemmuna. Sjá nánari leiðbeiningar um að taka skjámynd.

ATH: Það er ekki hægt að senda skjámynd með því að líma hana beint inn í textareitinn. Myndin virðist birtast í forminu en sendist ekki áfram. Öll viðhengi þurfa að vera send gegnum bréfaklemmuna.

Það er mjög gott að fylla út „Kennitölu“ og „Nafn sendanda“ með fyrirspurninni.

Að lokum skal smella á „Senda“.

Athugið: Ef græjan birtist ekki rétt þá þarf að hreinsa vafrakökur úr vafranum þínum.