Leiðbeiningar og verkbeiðnir

EFNISYFIRLIT

• Þjónustugátt fyrir starfsfólk bókasafna
• Að finna leiðbeiningar í þjónustugáttinni
• Hvernig á að skrá sig inn á þjónustugátt og skoða verkbeiðnir
• Hvernig á að senda inn verkbeiðni án þess að skrá sig inn

Þjónustugátt fyrir starfsfólk bókasafna - https://gegnir.freshdesk.com

Á vefnum getur starfsfólk bókasafna fundið leiðbeiningar um Gegni og Leitir. Þar er einnig hægt að senda inn verkbeiðnir til Landskerfis bókasafna.

Eins og er þarf ekki að vera innskráður sem notandi til þess að skoða leiðbeiningar á síðunni. 

Ekki er nauðsynlegt að skrá sig inn til þess að senda verkbeiðni en við mælum með þeirri leið.
Kostir þess að skrá sig inn á þjónustugáttina eru að þá er hægt að skoða allar beiðnir sem sendar hafa verið til Landskerfis bókasafna og fylgjast með framgangi beiðna sinna. 

Að finna leiðbeiningar í þjónustugáttinni

Það er hægt að skoða allar leiðbeiningar með því að smella á „Leiðbeiningar“ í efri stikunni eða með því að fara á forsíðuna „Heim“. Leiðbeiningarnar eru flokkaðar eftir efni undir „Þekkingargrunnur“.

Á forsíðunni er leitarstika sem leitar bæði í verkbeiðnum þínum og leiðbeiningum. Hægt er að velja að leita einungis að greinum, þ.e.a.s. leiðbeiningum. Með því að byrja að skrifa inn orð sem lýsir því sem verið er að leita að koma upp allar greinar sem tengjast orðinu 

Undir hverjum yfirflokk eru möppur og inni í hverri möppu eru greinar eða leiðbeiningar. Sumar möppur eru með margar greinar og því gæti þurft að smella á „Sjá allt“ til þess að fá upp allar greinarnar.

Hvernig á að skrá sig inn á þjónustugátt og skoða verkbeiðnir

Fyrst þarf starfsmaður að senda tölvupóst til hjalp@landskerfi.is. Þá fær aðilinn sendan virkjunarpóst um innskráningu á þjónustugátt Landskerfis bókasafna. Til þess að geta skráð sig inn á þjónustugáttina þarf að smella á hlekkinn í póstinum og velja sér lykilorð. 

Athugið: Innskráning á þjónustugátt Landskerfis bókasafna tengist ekkert innskráningu í Gegni.

Til þess að senda inn verkbeiðni er hægt að fara á gegnir.freshdesk.com.

Einnig er hægt að senda inn verkbeiðni úr Gegni með því að kveikja á græjunni „Fyrirspurnir og leiðbeiningar“.

Sjá leiðbeiningar hér: Að kveikja á græju fyrir beiðnakerfið og leiðbeiningar.

Hvernig á að senda inn verkbeiðni án þess að skrá sig inn

Ekki er nauðsynlegt að skrá sig inn til þess að senda inn verkbeiðni. Til þess að senda inn verkbeiðni er smellt á „Senda inn verkbeiðni“.

Ef smellt er á „Senda inn verkbeiðni“ þarf að velja „Gegnir - Verkbeiðni“ í felliglugganum og gefa  upp eftirfarandi upplýsingar: Netfang, nafn, viðfangsefni og lýsingu. Einnig er hægt að bæta við „Viðhengi“ og senda skjámynd með til skýringar. 

Sjá: Leiðbeiningar um hvernig er best að taka skjámynd.

Að lokum þarf að haka við „Ég er ekki vélmenni“ og velja „Staðfesta“.

Þegar búið er að skrá sig inn þá fyllir kerfið sjálfkrafa inn upplýsingar um netfang og einnig er hægt að velja að setja annan starfsmann í CC ef að fleiri aðilar koma að beiðninni. 

Undir „Mínar verkbeiðnir“ er hægt að sjá beiðnir sem hafa verið sendar inn og í hvaða stöðu þær eru. Hægra megin á síðunni er hægt að flokka verkbeiðnirnar eftir stöðu þeirra.

Beiðnir lokast sjálfkrafa innan nokkurra daga eftir að búið er að setja þær í stöðuna „Leyst“. Með því að smella á beiðnina opnast nýr gluggi þar sem hægt er að svara beiðninni, bæta fólki við eða loka henni með því að smella á „Lokið mál“.