Vinstri valmynd

Valmyndin á vinstri hlið forsíðunnar er leiðin inn í allt það sem er í boði í Gegni. 

Það fer eftir því hvaða notendaheimildir starfsfólk er með í kerfinu hvað birtist undir hverjum tengli í þessari valmynd. 

Ef eitthvað vantar sem talið er að ætti að birtast skal hafa samband við Landskerfi bókasafna. 

„Aðföng“ er notað fyrir allt sem tengist aðföngum. Hér er til dæmis hægt að sjá um innkaupin, taka á móti pöntunum, skrá og ganga frá bæði prentuðu og rafrænu efni.  „Viðföng“ er aðallega notað fyrir bókfræðiskráningu og umsýslu rafræns efnis. Undir „Útlán“ er til að mynda hægt að finna allt um lánþegaþjónustu, útlán og skil, frátektir og millisafnalán. Í „Stjórnandi“ er höfð umsjón með notendum kerfisins og unnið með keyrslur.  Í „Skýrslur“ er hægt að skoða margs konar tölfræðiupplýsingar tengdar þínu bókasafni svo sem útlánaskýrslur og vanskilalista.

Að stilla vinstri valmyndina

Mögulegt er að stilla vinstri valmyndina eftir eigin þörfum. Það er gert með því að smella á „Alma Vinnsla“ og „Sérsníða tengla aðalvalmyndar“. 

Þar er hægt að endurraða valmyndinni með því að draga táknin upp eða niður eða fela tákn sem þú vilt ekki sjá.

Földu táknin er þó áfram hægt að opna undir punktunum þremur neðst í vinstri valmyndinni. 

Ef þú vilt ekki lengur hafa sérstillt hvaða verkþættir birtast í vinstri valmyndinni og í hvaða röð þeir eru væri fljótlegast að smella á „Endurstilla tengla aðalvalmyndar á sjálfgefnar stillingar“.

Sjá einnig leiðbeiningar um: Bókamerkjavalmynd.