Lánþegi setti inn beiðni um millisafnalán á leitir.is

Almennar upplýsingar um millisafnalán : Millisafnalán - inngangur

Lánþegi hefur lagt inn beiðni um millisafnalán á leitir.is - starfsmaður safns afgreiðir beiðnina áfram.

EFNISYFIRLIT

• Ítarlegri útskýringar
• Skref 1. Skoða millisafnalánabeiðnir sem þarf að senda til samstarfssafns
• Skref 2. Skoða hvaða bókasöfn eiga tiltækt eintak 
• Skref 3. Senda millisafnalánabeiðni áfram á bókasafn

Ítarlegri útskýringar

Lánþegi getur sett sjálfur inn beiðni um millisafnalán í gegnum leitir.is. Það eina sem hann þarf að passa upp á er að vera innskráður.  

Þegar lánþegi hefur fundið titil sem hann ætlar að biðja um með millisafnaláni getur hann smellt á „BEIÐNIR: Millisafnalán“ og valið afhendingastað.  

Afhendingastaður er bókasafnið sem lánþeginn er með heimild í.

Ef lánþegi er með heimildir í mörgum söfnum getur hann valið á hverju þeirra hann vill sækja eintakið.    

Skref 1. Skoða millisafnalánabeiðnir sem þarf að senda til samstarfssafns

Þegar lánþegi hefur sent inn beiðni í gegnum leitir.is birtist beiðnin á verkefnalista hjá bókasafninu þar sem hann vill fá millisafnalánið afhent.

Starfsfólk sér beiðnir fyrir þau söfn sem það er með heimildir í. Beiðnin birtist undir „Útsendar MSL-beiðnir“ og er með stöðuna „Nýtt - án samstarfsaðila - án úthlutunar“.

Einnig er hægt að sjá beiðnina með því að fara í „Útlán“ í vinstri valmyndinni og velja þar „Útsendar MSL-beiðnir“.

Beiðnin sem kemur inn frá leitir.is fær stöðuna „Útsend MSL-beiðni var búin til“.

Það næsta sem starfsmaður þarf að gera er að skoða hvaða söfn eiga til tiltækt eintak, svo hægt sé að vísa millisafnalánabeiðninni á rétt safn. 

Skref 2. Skoða hvaða bókasöfn eiga tiltækt eintak 

Til að skoða hvaða bókasöfn eru með tiltæk eintök af titlinum þarf að fara í þrípunktana. Þar undir er

hægt að velja á milli „Skoða staðbundin viðföng“ og „Skoða viðföng í landskjarna“. 

Þegar smellt er á „Skoða staðbundin viðföng“ opnast gluggi þar sem hægt er að skoða hvaða söfn eiga til eintak í þínum safnakjarna. 

Gott er að smella á „Stækka“ og „Áþreifanlegt“ til þess að sjá bókasöfnin undir titlinum. Þetta þarf einungis að gera einu sinni. 

Ef ekki er neitt tiltækt eintak í safnakjarnanum þínum er hægt að fara til baka í „Skoða viðföng í landskjarna“ til að sjá hvaða söfn í öðrum safnakjörnum eiga eintak. 

Til þess að sjá bókasöfnin í öðrum safnakjörnum þarf fyrst að smella á „Vörsluaðili“. Þar undir er hægt að smella á viðkomandi safnakjarna til þess að sjá hvaða bókasöfn eiga til eintak.

Nú þarf að leggja á minnið hvaða bókasafn á laust eintak og svo að loka upplýsingaglugganum.

Skref 3. Senda millisafnalánabeiðni áfram á bókasafn

Til þess að bæta við samstarfsaðila er smellt á „Breyta“ hjá titlinum í útsendum MSL-beiðnum. Þá opnast beiðnaformið. 

Neðarlega undir „Eiginleikar beiðni“ er smellt á  bæta við samstarfsaðilum. 

Þegar smellt er á „Bæta við samstarfsaðilum“ er hægt að leita að bókasafninu sem á að fá millisafnalánabeiðnina. Haka við rétta bókasafnið og ýta á „Velja“.

Þegar búið er að setja inn samstarfsaðila er smellt á „Vista“.

Nú lokast beiðnaglugginn og beiðnin virðist horfin af skjánum. Það er vegna þess að leitarsíurnar til hliðar eru m.a. stilltar á „Ekkert“ undir „Virkur samstarfsaðili“, en nú er búið að vista samstarfsaðila inn í beiðnina.

Þegar þessi leitarsía er tekin út þá birtist beiðnin aftur á skjáinn.

Nú er komið að því að senda beiðnina áfram. Til þess að senda beiðnina skal smella á þrípunktana og velja „Senda“. 

Þá fær beiðnin stöðuna „Beiðni send til samstarfsaðila“. Hægt er að taka út leitarsíuna „Útsend MSL-beiðni var búin til“, og þá sést beiðnin aftur á skjánum.

Nú er boltinn hjá samstarfssafninu. 

Þegar eintakið berst á þitt safn þarftu að nota leiðbeiningarnar Millisafnalán á safni lánþega - tekið á móti, lánað og skilað