2. Tímarit - Að taka á móti nýju tölublaði

Breytt Thu, 28 Ág kl 2:57 PM

Að taka á móti nýjum tölublöðum á safni

Þegar búið er að útbúa áskrift þá þarf einungis að taka á móti nýju tölublaði þegar það kemur á safnið. Það þarf ekki að byrja á að setja inn pöntun.

Til þess að taka á móti nýju tölublaði er farið í „Aðföng“ og valið að „Taka á móti“.

Í „Taka á móti“ eru tveir flipar. Þegar unnið er með bækur þarf að vera í flipanum „Einu sinni“ en þegar unnið er með tímarit þarf að vera í flipanum „Áskrift“.

Einnig er mjög mikilvægt að passa að hafa hakað við „Halda innan deildar“ og velja ferilstöðuna sem er næst á færibandinu. Hvort sem það er „Miðar og prentun“ eða „Plöstun og frágangur“.

Ef ekki er hakað við „Halda innan deildar“ heldur kerfið að tímaritið sé tilbúið að fara upp í hillu.

Hægt er að leita að tímaritinu sem verið er að taka á móti og neðar á skjánum sést pöntunarlínan fyrir tímaritið.

Þegar búið er að finna réttan titil er farið í þrípunktana hægra megin og valið að „Hafa umsjón með eintökum“.

Best er að byrja á því að sía listann þannig að aðeins þau eintök sem á eftir að taka á móti birtist á listanum. Það er gert með því að velja „Ekki móttekið“ undir „Staða móttöku“. Kerfið man þessar stillingar.

Þessu næst er hakað við eintök eða tölublöð sem á að vinna með, fara í þrípunktana og velja „Taka á móti“.

Móttekið tölublað af tímaritinu birtist nú efst á skjánum. Þá er mikilvægt að smella á hnappinn„Vista og móttaka“.

Framhaldið héðan af er eins og með bækur. Farið er í „Eintök í vinnslu“ undir Aðföng.

Næstu skref eru þá að prenta kjalmiða, plöstun og frágangur og ljúka ferli. Nánari leiðbeiningar um aðfangaferlið (stundum kallað aðfangafæriband) er hægt að opna neðar á skjánum. Hér fyrir neðan má sjá dæmi um raðtákn fyrir tímarit.

3. Kjalmiðayfirferð (Eintök í vinnslu og lýsigagnaritill)

4. Kjalmiðaprentun (Eintök í vinnslu og SpineOMatic)

5. Plöstun (Eintök í vinnslu) ef safnið velur að plasta eintökin

6. Ljúka ferli (Eintök í vinnslu eða skanna eintök)

Það er hægt að velja sérstakt template í SpineOMatic sem sækir upplýsingar um árgang og númer beint úr eintakinu og bætir því við kjalmiðann. Þessi template eru merkt með T aftast í heitinu, sjá dæmi um miðlungsstóra límmiða hér fyrir neðan: