Að taka á móti nýjum tölublöðum á safni 

Þegar búið er að útbúa áskrift þá þarf einungis að taka á móti nýju tölublaði þegar það kemur á safnið. Það þarf ekki að byrja á að setja inn pöntun.

Til þess að taka á móti nýju tölublaði er farið í „Taka á móti“ undir „Aðföng“.

Í „Taka á móti“eru tveir flipar. Þegar unnið er með bækur þarf að vera í flipanum „Einu sinni“ en þegar unnið er með tímarit þarf að vera í flipanum „Samfellt“. 

Einnig er mjög mikilvægt að passa að hafa hakað við „Halda innan deildar“ og velja ferilstöðuna sem er næst á færibandinu, hvort sem það er miðar og prentun eða plöstun og frágangur.

Ef ekki er hakað við „Halda innan deildar“ heldur kerfið að tímaritið sé tilbúið að fara upp í hillu.

Hér er lína fyrir hvern tímaritatitil sem er í áskrift á safninu.  Það er hægt að leita að tímaritinu sem er verið að taka á móti.

 

Þegar búið er að finna réttan titil er farið í þrípunktana hjá titlinum og valið „Hafa umsjón með eintökum“.

Nú opnast ný síða þar sem það er lína fyrir hvert tölublað af tímaritinu hvort sem það er móttekið eða í hillu. 

Best er að byrja á því að sía listann þannig að bara þau eintök sem á eftir að móttaka birtast á listann. Það er gert með því að velja „Ekki móttekið“ í Staða móttöku. Kerfið man þessar stillingar.

Það er einnig hægt að raða tímaritunum þannig að maður fái þau eintök sem eru væntanleg næst, efst á listann. 

Það er gert með því að fara í „Röðunarvenja(Description)“ og velja  „Lýsing“, smella svo á örina upp. 

Þá raðast listinn eftir tölublaða upplýsingum sem koma fram í lýsingu. Kerfið man þessar stillingar.

Svo skal haka við þau eintök sem á að móttaka og velja „Vista og móttaka“.

Framhaldið héðan af er eins og með bækur. Það er farið í „Eintök í vinnslu“ og nú eru tímaritin komin á sama stað og bækurnar. 

Næstu skref eru þá að prenta kjalmiða, plöstun og frágangur og ljúka ferli.

Það er hægt að velja sérstakt template í Spineomatic sem sækir upplýsingar um árgang og númeringu beint úr eintakinu og bætir því við kjalmiðann. 

Þessi template eru merkt með T aftast í heitinu, sjá dæmi um miðlungsstóra miða: