2. Móttaka - Taka á móti

Eins og kom fram í leiðbeiningum 1. Pöntun verður búa til pöntun óháð því hvaðan nýtt efni á bókasafninu er komið. 

Taka á móti nýju efni á bókasafnið

Aðfangaferlið getur verið flókið í byrjun en þegar búið er að fara einu sinni í gegnum ferlið án þess að vandamál komi upp verður vinnan auðveldari síðar.

EFNISYFIRLIT

• Skref 1 - Smella á „Taka á móti“ undir Aðföng í vinstri valmyndinni
• Skref 2 - Passa að haka við „Halda innan deildar“
• Skref 3 - Sía lista eftir „Allt (nema lokað)“ og vera í flipanum „Einu sinni“
• Skref 4 - Haka við titlana sem á að móttaka og ýta á „Taka á móti“
• Algeng vandamál

Skref 1 - Smella á „Taka á móti“ undir Aðföng í vinstri valmyndinni

Mikilvægt er að fylgja leiðbeiningunum hér fyrir neðan nákvæmlega.

Þegar verið er að „Taka á móti“ nýju efni á bókasafnið í fyrsta sinn þarf að passa að velja næsta rétta skref í ferlinu. Mikilvægustu stillingarnar eru undir skrefi 2 og ef þær eru ekki réttar getur þú lent í vandræðum. 

Skref 2 - Passa að haka við „Halda innan deildar“

Móttaka á nýju efni hefst með því að haka við „Halda innan deildar“. Þú kemst ekki áfram í aðfangaferlinu nema það sé valið að „Halda innan deildar“. Ef það er ekki gert skráir kerfið eintökin eins og þau séu komin beint upp í hillu.

Þar sem næsta þrep í ferlinu er að laga kjalmerkingar eða uppfæra raðtákn skal velja „Miðar og prentun 1“ (Miðar og prentun 2 getur verið möguleiki hjá stærri söfn þar sem fleiri en einn aðili koma að skráningu).

Skref 3 - Sía lista eftir „Allt (nema lokað)“ og vera í flipanum „Einu sinni“

Það þarf að sía listann rétt og passa að vera alltaf með stillt á stöðuna „Allt (nema lokað)“ til þess að sjá alla titla sem hafa verið pantaðir.
Einnig þarf að vera í flipanum „Einu sinni“ þegar verið er að vinna með eintök af bókum, spil o.fl. Flipinn „Áskrift“ er notaður fyrir tímarit.

„Staða“ á bókunum á að vera „Sent“

Skref 4 - Haka við titlana sem á að móttaka og ýta á „Taka á móti“

Næsta skref er að haka við þær bækur sem á að móttaka og ýta á „Taka á móti“.
(Ekki skal nota hnappinn „Móttaka allt“) 

Nú á það sem hakað var við að hverfa af listanum.

Eftir þennan feril eru titlarnir aðgengilegir á leitir.is en skráðir sem ekki tilbúnir til útláns þar sem þeir eru enn í aðfangaferlinu.

Ef eitthvað er fast á listanum þarf að skoða pöntunarlínuna (POL) og athuga hvort að eitthvað hafi gleymst.

Algeng vandamál

ATH: Ef titlar sem verið var að panta birtast ekki í „Taka á móti“ þarf að skoða síunina. Athuga hvort pöntunarlínur eru með stöðuna: „Allt (nema lokað„ og passa að vera í flipanum „Einu sinni“. Sjá skref 3. 

ATH: Ef bækur eru í stöðunni „Í yfirferð“ þarf að laga pöntunarlínuna (POL). 
Sjá leiðbeiningar: Að laga POL línur sem eru í yfirferð

Sjá leiðbeiningar um  næsta skref á aðfangafæribandinu: 

3. Uppfæra raðtákn (Eintök í vinnslu og lýsigagnaritill)