1. Pöntun

Hvort sem verið er að vinna með eintök fyrir framan sig eða það á eftir að panta eintökin frá bókaverslun eða forlagi, þá er byrjað á pöntunarferlinu.

Pöntunarferlið er alltaf notað, líka ef eintök hafa óvart verið afskrifuð og það þarf að koma þeim aftur inn í kerfið. Aldrei má afrita eintök.

EFNISYFIRLIT

• Skref 1 - Finna rétta bókfræðifærslu með ISBN númeri (eða titli) undir Allir titlar
• Skref 2 - Smella á pöntun, annaðhvort í hnöppunum eða í þrípunktunum
• Skref 3 - Fylla út pöntunarform
• Skref 4 - Bæta við fjölda eintaka, safndeild og eintakastöðu
• Skref 5 - Smella á „Panta núna“

Skref 1 - Finna rétta bókfræðifærslu með ISBN númeri (eða titli) undir Allir titlar

Það fyrsta sem þarf að gera er að nota leitastikuna efst í Gegni til þess að finna titilinn á eintakinu sem á að panta/tengja við. Best er að leita eftir ISBN númeri. Ef titill finnst ekki í safnakjarnanum þínum þarf að leita upp í landskjarna.

Til þess að geta leitað í landskjarnanum þarf að nota leitina „Allir titlar“ ekki „Áþreifanlegir titlar“. Ef bókin finnst ekki í landskjarnanum á eftir að frumskrá bókina.

Skref 2 - Smella á pöntun, annaðhvort í hnöppunum eða í þrípunktunum

Þegar þú hefur fundið þann titil sem þú ætlar að panta/tengja við skal smella á „Pöntun“ hjá titlinum eða smella á þrípunktana og finna „Pöntun“ þar.

Skref 3 - Fylla út pöntunarform

Nú opnast pöntunarform í renniglugga. Á myndinni hér fyrir neðan er dæmi um pöntun á bók.

Eftirfarandi reiti þarf að fylla út:

• „Tegund pöntunarlínu“: velja „Ráðlagt: Prentuð bók - eitt skipti“
• „Eigandi pöntunarlínu“: velja þitt bókasafn
• „Hlaða úr færslusniði“: velja „Opið: Sýndarbirgir - Enginn sjóður“
• Haka við: „Búa til eintök handvirkt“

Smella á: „Búa til pöntunarlínu“. Ef það kemur upp sprettigluggi skal „Staðfesta“.

Ef verið er að panta annað en bók, svo sem spil eða heyrnatól, þarf „Tegund pöntunarlínu“ að vera: „Áþreifanlegt - eitt skipti“.

Skref 4 - Bæta við fjölda eintaka, safndeild og eintakastöðu

Í þessu skrefi þarf að fara yfir pöntunina og bæta við upplýsingum til að geta lokið við hana.

Pöntunarlínur fá POL-númer eins og sjá má á myndinni hér fyrir neðan.

Undir „Samantekt“ vinstra megin er hægt að hoppa á milli kafla í pöntunarlínunni.

Almennar upplýsingar eru þær upplýsingar sem búið var að setja inn í pöntunarform í skrefi 3.

Ef um annað en bók er að ræða, til dæmis spil, þarf að velja viðeigandi form undir „Efnistegund“. Eintökin sem verða til munu erfa þessa stillingu síðar í ferlinu.

Pöntuð eintök

Hér þarf að skrifa inn hversu mörg eintök á að panta af bók eða öðru safnefni eftir því sem við á.

• smella á + „Bæta eintökum við“
• skrifa inn fjölda eintaka
• velja rétta safndeild á bókasafninu
• velja eintakastöðu (nota útlánatíma sem bókasafnið hefur notað áður)
• smella á „Vista“
• smella á „Panta núna“
• samþykkja staðfestingarskilaboð

Þegar smellt er á „Vista“ hnappinn birtist einkvæmt strikamerki fyrir eintakið, valin safndeild og þau raðtákn sem eiga við. Kerfið býr til einkvæmt strikamerki fyrir hvert eintak sem er pantað í þessu ferli. Þau eintök sem eru í sömu safndeild eru saman í forðafærslu.

Ef bæta þarf við eintökum sem eiga að fara í fleiri safndeildir eða vera með aðrar eintakastöður (útlánatíma) skal smella aftur á „Bæta eintökum við“.
Ef þú hefur bætt við of mörgum eintökum er hægt að smella á þrípunktana og velja „Eyða“.

Skref 5 - Smella á „Panta núna“

Þegar búið er að bæta öllum nauðsynlegum eintökum við skal smella á „Panta núna“.
Athugið: Ekki má ýta á „Vista"

Á sumum skjám er „Panta núna“ á bak við þrípunktana:

Nú opnast gluggi með staðfestingarskilaboðum og þar er smellt á „Panta núna“:

Nú skal loka renniglugganum með því að ýta á X-flipann:

Gott er að endurtaka pöntunarferlið fyrir hvern titil sem þú ert með fyrir framan þig áður en farið er í næsta skref á aðfangafæribandinu.  

Sjá leiðbeiningar fyrir næsta skref á aðfangafæribandinu:

 2. Móttaka titla (Taka á móti)