Þessar leiðbeiningar miðast við að ferillinn byrji í "Taka á móti" 

Á síðunni „Taka á móti“ gerist það stundum að pöntunarlína (POL) er föst í stöðunni „Í yfirferð“.

Stundum sjást líka pöntunarlínur „Í yfirferð“ í verkefnalistanum.

Hvers vegna gerist þetta?

• Það gæti hafa gleymst að ýta á „Panta núna“
• Starfsmaður gæti hafa yfirgefið pöntunarlínuna í miðjum klíðum, t.d. til að vinna í útlánum.

Hvernig er hægt að laga það sem er í yfirferð?

• Skref 1 - Smella á POL-númerið og ýta á „Breyta“
• Skref 2 - Laga efnistegund og efnisveitanda (Sýndarbirgir)
• Skref 3 - Bæta við eintökum ef þarf
• Skref 4 - Ýta á „Panta núna“

Skref 1 - Smella á POL-númerið og ýta á „Breyta“

Hér er POL lína sem er föst í „Taka á móti“. Það sést að pöntunin er föst í stöðunni „Í yfirferð“ (en ekki „Sent“) og ekki er hægt að haka við til þess að taka á móti titlinum.

Smella þarf á POL-númerið í fremsta dálki til að uppfæra pöntunina.

Ýta á „Breyta“ til að lagfæra pöntunarlínuna

Skref 2 - Laga efnistegund og efnisveitanda (Sýndarbirgir)

Nokkur atriði úr upphaflegu færslusniði hafa dottið út.

Velja rétta efnistegund, t.d. „Bók“.  Í efnisveitandi skal velja „Sýndarbirgir“. 

Skref 3 - Bæta við eintökum ef þarf

Ef engin eintök eru í pöntunarlínunni þarf að bæta þeim við eins og vanalega.

Skref 4 - Ýta á „Panta núna“

ATH: Stundum eru pöntunarlínur "Í yfirferð" afrit (tvöföldun) á því sem þegar er til í safni. Þetta gerist einkum ef starfsmaður hefur þurft að yfirgefa pöntun í miðjum klíðum en byrjar svo aftur frá grunni. Þá eru orðnar til tvær pantanir og jafnvel tvö eintök þar sem aðeins á að vera eitt eintak. Í þeim tilfellum er best að ljúka pöntunarferlinu alveg áður en aukaeintaki er eytt út.