Að laga POL línur sem eru á verkefnalistanum

Þessar leiðbeiningar miðast við að ferillinn byrji á „verkefnalistanum“. 

Einstaka sinnum geta pöntunarlínur farið í gegnum aðfangaferlið án þess að það hafi verið smellt á „Panta núna“. Það sem gerist þá er að pöntunarlínurnar eru fastar í kerfinu og á verkefnalistanum í stöðunni „Í yfirferð“. 

Hvers vegna gerist þetta?

• Það gæti hafa gleymst að ýta á „Panta núna“.
• Það hefur verið smellt á „Vista“ í staðin fyrir „Panta núna“.   
• Starfsmaður gæti hafa yfirgefið pöntunarlínuna í miðjum klíðum, t.d. til að vinna í útlánum.
• Eintak hefur verið móttekið og aðfangaferlinum lokið án þess að smella á „Panta núna“. 

Hvernig er hægt að laga það sem er í yfirferð?

• Skref 1 - Smella á „Yfirferð - án úthlutunar“ á verkefnalistanum
• Skref 2 - Smella á þrípunktana og svo á „Panta núna“.

Skref 1 - Smella á „Yfirferð - án úthlutunar“ á verkefnalistanum

Fyrst skal smella á „Pöntunarlínur“ og svo á „Yfirferð - án úthlutunar“.

Hér eru POL línur sem er fastar á verkefnalistanum en eintökin undir eru komnar upp í hillu. Ef rétt hefði verið farið að þá væru pöntunarlínurnar í stöðunni „Sent“. 

Skref 2 - Smella á þrípunktana og svo á „Panta núna“.

Til þess að losa pöntunarlínurnar af verkefnalistanum er nóg að smella á þrípunktana og velja „Panta núna“. 

Hægt er að smella á „Endurnýja“ og þá ætti pöntunarlínan að hverfa af litanum.