Stillingar í aðfangaviðmótinu

EFNISYFIRLIT

• Að finna stillingar fyrir aðfangaviðmótið
• Hnappurinn „Panta núna“ færður
• Atriðum inni í pöntunarlínu endurraðað
• Hreinsa út sérstillingar

Að finna stillingar fyrir aðfangaviðmótið

Til að komast í stillingar fyrir aðfangaviðmótið er hægt að fara í „Aðföng“ í stikunni vinstra megin og velja „Allar pöntunarlínur“. 

Þá opnast listi yfir „Pöntunarlínur“ á skjánum og efst til hægri skal smella á tannhjólið.

Undir tannhjólinu er hægt að velja á milli þess að stilla kafla/atriði inni í pöntunarlínu („Sérsnið hluta“), raða hnöppum („Sérsnið aðgerða“), breyta birtingu á niðurstöðulista („Sérsnið færslna“) eða stilla hvernig leitarsíum er raðað („Sérsnið fyrir leitarsíur“)

Hnappurinn „Panta núna“ færður

Flestir nota hnappinn „Panta núna“ í aðfangaverklaginu, en sá hnappur er oft falinn á bak við þrípunkta. Það á sérstaklega við hjá þeim sem eru með fremur lítinn tölvuskjá.

Þegar búið er að smella á tannhjólið undir „Allar pöntunarlínur“ þarf að velja „Sérsnið aðgerða“ 

Dæmi: Hér er „Panta núna“ fært efst í listann og að auki er hnappurinn „Vista og halda áfram“ tekinn út:

Við þessar breytingar er „Panta núna“ hnappurinn orðinn bæði aðgengilegur og meira áberandi:

ATH: Sum söfn láta Gegni senda tölvupóst til bókabúðarinnar, þá má ekki fela hnappinn „Vista og halda áfram“

Atriðum inni í pöntunarlínu endurraðað

Hægt er að breyta uppsetningu / röð atriða inni í pöntunarlínum með því að fara í tannhjólið og velja „Sérsnið hluta“.

Dæmi: Ef „Pöntuð eintök“ er fært ofar í listann þá þarf ekki að skruna niður skjáinn þegar verið er að bæta við eintökum:

Hreinsa út sérstillingar

Þegar uppsetningu hefur verið breytt og sniðin að þörfum hvers notanda þá birtist grænn punktur á tannhjólinu.

Í valmyndinni undir tannhjólinu sést að sérstillingar eru fyrir hendi í viðkomandi atriði:

Til þess að hreinsa sérstillingar og fara til baka í grunnstillingar þarf að smella á „Endurstilla á sjálfgefið“ neðst í hverju sérsniði.

Þá færist listinn í upprunalegt horf, faldar línur birtast á ný og græni punkturinn hverfur af tannhjólinu hægra megin ef engar aðrar sérstillingar eru fyrir hendi.