Búa til færslusnið með eintökum

EFNISYFIRLIT

• Að búa til færslusnið með eintökum
• Að nota eigið færslusnið til að búa til eintök
• Að eyða færslusniði

Hver notandi getur búið sér til eigin færslusnið sem geta auðveldað aðfangaferlið. Færslusniðin búa þá sjálfkrafa til eintök í réttri safndeild og með rétta eintakastöðu.

Engin takmörk eru á fjölda færslusniða sem notandi getur búið sér til.

Dæmi um notkun:

• Færslusnið sem býr til eitt eintak í „Barnadeild“ og með eintakastöðu „30 dagar“
• Færslusnið sem býr til 2 eintök í „Almennt“ og með eintakastöðu „14 dagar“

Að búa til færslusnið með eintökum

1. Gera pöntun fyrir nýtt efni á hefðbundinn hátt
   • Passa að velja færslusniðið „Sýndarbirgir – Enginn sjóður“. Nýja færslusniðið verður að byggja á þessum upplýsingum.
     
2. Inni í pöntunarforminu skal velja fjölda eintaka, setja inn rétta safndeild og velja eintakastöðu.
   • Bæta eintakinu/eintökunum við. 
   • Nýja færslusniðið mun byggja á þessum upplýsingum.
     
3. Áður en ýtt er á „Panta núna“ þarf að ýta á „Vista sem færslusnið“ efst í pöntunarforminu
   
   
   
4. Velja lýsandi heiti á færslusniðið. Góð vinnuregla er að nefna færslusniðið eftir safndeild, útlánstíma og fjölda eintaka.  
   • Passið að haka ekki í „Opinbert færslusnið“

     5. Klára pöntunina eins og venjulega (ýta á „Panta núna“)

Að nota eigið færslusnið til að búa til eintök

Næst þegar verið er að gera pöntun er hægt að velja sitt eigið færslusnið í staðinn fyrir að velja „Sýndarbirgir – Enginn sjóður“
Eigin færslusnið finnast undir „Færslusniðin mín“                                                                                               

Passa að hafa ekki hakað við „Úthluta safnskrá handvirkt“ (því nýja færslusniðið inniheldur eintaksupplýsingar).                                                                                                                                                                                                                                                           

Smella á „Búa til innkaupapöntunarlínu“ og skoða hvort eintakið/eintökin hafi komið rétt inn í pöntunarformið          

• Hægt er að bæta við fleiri eintökum með því að smella á  „Bæta eintökum við“
• Hægt er að eyða út eintaki með því að smella á þrípunktana aftast í línunni og velja „Eyða“

Ýta á „Panta núna“ og halda aðfangaferlinu áfram eins og venjulega.

Að eyða færslusniði

Til að eyða færslusniði þarf að fara fyrst í Aðföng > Allar pöntunarlínur

Þá opnast listi yfir allar pöntunarlínur í safninu.

Smella þarf á þrípunkta við einhverja pöntunarlínu (skiptir ekki máli hvaða) og þar undir velja „Vista sem færslusnið“.

Í sprettiglugganum sem opnast á að velja „Uppfæra fyrirliggjandi færslusnið“ til að fá felliglugga með færslusniðunum. Eftir að rétta færslusniðið hefur verið valið er ýtt á „Eyða“

Að lokum þarf að staðfesta í hálfgagnsæja glugganum með því að ýta á gátmerkið: