Leit í Gegni - hvernig finnum við efni?

Sjá myndband neðst á síðunni.

EFNISYFIRLIT

• Allir titlar
• Áþreifanleg leit
  • Áþreifanlegir titlar
  • Forðafærslur fyrir áþreifanleg viðföng
  • Áþreifanleg eintök

Allir titlar

„Allir titlar“ leitin er eina leitin sem hægt er að nota til þess að leita að efni upp í landskjarna og heimskjarna. Í landskjarnanum er samskrá Gegnis og sameiginlegi gagnagrunnur okkar. Þar er til dæmis allt sem er í opnum aðgangi og allt rafræna efnið. Greinifærslur voru keyrðar niður í alla safnakjarna nema grunnskólasafnakjarnann.

Þegar leitað er í „Allir titlar“ þá er aðeins verið að leita að titli og því er ekki hægt að sía niðurstöður niður í að leita að efni á einstöku bókasafni. Hinsvegar ef þú átt til forða af þeim titli sem er leitað að þá birtist bókasafnið þitt efst í leitarniðurstöðunum.  

Hægt er að nota „Allir titlar“ leitina til þess að leita að titlum sem þarf að panta fyrir bókasafnið. Ef titilinn finnst ekki í safnakjarnanum er hægt að fara upp í landskjarna og leita þar. 

Einnig er hægt að nota „Allir titlar“ til þess að leita að rafrænu efni og efni í opnum aðgangi í landskjarnanum.

Áþreifanleg leit

Áþreifanleg leit er leit í áþreifanlegum titlum, forðafærslum og eintökum. Áþreifanleg leit er allt efni sem er með strikamerki þ.e.a.s. allt fýsískt efni á safninu. Þegar verið er að nota áþreifanlega leit er aðeins verið að leita í efni sem er til í safnakjarnanum. 

Áþreifanlega leitin skiptist í þrjá hluta: „Áþreifanlegir titlar“,  „Forðafærslur fyrir áþreifanleg viðföng“ og „Áþreifanleg eintök“.

Þessir 3 leitarmöguleikar byggja á uppsetningu gagna í Gegni þ.e.a.s. eintök liggja í forðafærslum sem er samspil á safndeild í bókasafni og titli.

Hægt er að sía niðurstöður niður á bókasöfn með því að nota Áþreifanlegu leitina. Sjá leiðbeiningar hér. 

• Áþreifanlegir titlar

Áþreifanleg titla leitin gefur niðurstöður fyrir alla titla sem eru til í safnakjarnanum. Það er hægt að nota áþreifanlegu titla leitina til þess að panta efni fyrir bókasafnið en þá er ekki hægt að hoppa upp í landskjarna ef titilinn er ekki til í safnakjarnanum. 

Áþreifanlega titla leitin er einnig notuð til þess að setja frátektir á efni fyrir lánþega. Það er mjög mikilvægt að setja aldrei frátekt á efni í eintaka leit þar sem það riðlar til röðun á frátektarlista.

• Forðafærslur fyrir áþreifanleg viðföng

Forðafærslur fyrir áþreifanleg viðföng skoðar allar forðafærslur sem eru í boði í safnakjarnanum. Forðafærsla er titill og safndeild á tilteknu bókasafni. Undir forðafærslum sitja svo eintök. 

Niðurstöður í forðafærslu leit sýna því línu fyrir hverja forðafærslu í safnakjarnanum. 

Það er til dæmis hægt að nota forðafærslu leitina til þess að skoða hvað er tiltækt á safninu, breyta forðafærslum og til þess að eyða út mörgum eintökum undir tiltekinni forðafærslu.

• Áþreifanleg eintök

Áþreifanleg eintaka leitin sýnir niðurstöður fyrir öll eintök sem eru til í safnakjarnanum. 

Það er gott að nota eintaka leitina til þess að breyta eintökum, eyða út eintökum, skoða upplýsingar um tiltekin eintök svo sem útlánasögu og til þess að skoða í hvaða feril eintakið er þ.e.a.s. hvort það sé í útláni, í frátektarhillu eða hvort það sé týnt sem dæmi.