Að skoða bækur í frátektarhillu

Virk frátektarhilla

Til þess að skoða eintök sem eru í virkri frátektarhillu er farið í „Útlán“ og ýtt á „Virk frátektarhilla“. 

„Virk frátektarhilla“ birtir eintök sem bíða þess að vera sótt af lánþega. Ef lánþegi er með skráð virkt netfang þá fær hann tilkynningu um að sækja eintak í frátektarhillu um leið og eintakinu er skilað eða það skannað í gegnum „Skanna eintök“.

Lánþegi fær þar að auki áminningu um að sækja eintakið 2 dögum fyrir lokadagsetningu frátektar.

Hjá flestum söfnum er miðað við að lánþegi hafi 3 virka daga til að sækja gagnið. Að þeim tíma liðnum birtist gagnið einnig í „Útrunnin frátektarhilla“.

Útrunnin frátektarhilla

Þegar frátekt hefur verið í ákveðinn tíma í „Virkri frátektarhillu“ birtist hún einnig í „Útrunnin frátektarhilla“. 

Til þess að skoða útrunnar frátektir er smellt á „Útlán“ og „Útrunnin frátektarhilla“.

Á þessari síðu eru 4 flipar, „Aftur í hillu“,  „Senda til útlánaborðs“,  „Senda til bókasafns“  og „Virkja næsta“.

Sjá nánar leiðbeiningar um útrunna frátektahillu: Útrunnin frátektarhilla