Útrunnin frátektarhilla

EFNISYFIRLIT

• Uppfæra gildistíma
• Aftur í hillu
• Senda til útlánaborðs
• Senda til bókasafns
• Virkja næsta

Til þess að fylgjast með frátektum sem ekki hafa verið sóttar og hafa fallið á tíma, skal smella á „Útlán“ og velja síðan „Útrunnin frátektarhilla“.

Þá birtist listi yfir það efni þar sem gildistími í frátektarhillu er útrunninn.  Hægt er að raða listanum eftir ýmsum leiðum.

Hér er hægt, í hnöppunum hægra megin, að velja að setja eintökin „Aftur í hillu“ eða framlengja frátektina „Uppfæra gildistíma“. 

Uppfæra gildistíma

Til þess að framlengja frátekt er smellt er á „Uppfæra gildistíma“ hægra megin á skjánum.

Þá kemur upp dagatal með núverandi lokadegi á frátekt, þar þarf að velja nýja dagsetningu og smella síðan á „Vista“. 

 Þá fer gagnið aftur í virka frátektarhillu.

Fjórir flipar eru ofan við listann yfir útrunnin eintök: „Aftur í hillu“, „Senda til útlánaborðs“, „Senda til bókasafns“ og „Virkja næsta“.

Aftur í hillu

Ef hætt er við frátekt eða frátektartíminn er útrunninn og eintakið á að fara inn í safnið, skal velja eintök, eitt eða fleiri og smella á „Aftur í hillu“.

Þá birtist eintakið sem tiltækt í safnkostinum.

Senda til útlánaborðs

Þessi virkni er ekki í notkun eins og er í Gegni.

Senda til bókasafns

Þessi skipun er notuð þegar verið er að senda efni milli útibúa sama safns, sbr. útibú Borgarbókasafns, eða milli samstarfssafna, t.d. í landshlutasamstarfi.

Virkja næsta

Flipinn „Virkja næsta“, færir næsta lánþega upp á biðlistanum fyrir gagninu.