Efsta valmyndin

Sjá myndband neðst á síðunni.

EFNISYFIRLIT

• Persónulegar notendastillingar
• Verkefnalistinn
• Nýlegar einingar
• Miðstöð skýjaforrita
• Tilkynningar
• Stillingar á efstu valmynd

Persónulegar notendastillingar

Með því að ýta á karlinn í efri valmyndinni er hægt að skipta um tungumál, breyta um aðgangsorð, skoða komandi uppfærslur í kerfinu þegar við á, skoða kökustillingar (cookies) stilla notendaviðmótið, og skrá sig út. 

• Tungumál sem eru í boði eru enska, íslenska og pólska.

• Þegar breytt er um lykilorð er mikilvægt er að velja löglegt lykilorð. Lykilorðið verður að vera 8 stafir og má ekki innhalda nafnið þitt eða einhverja einfalda runu eins og 1234. Gott er að hafa bæði tölustafi og bókstafi. Lykilorðið sem þú notar til þess að skrá þig inn í bókasafnskerfið er sama lykilorð og þú notar til þess að skrá þig inn á leitir.is. Ef þú breytir um lykilorð á leitir.is í sama safnakjarna og þú vinnur þá breytist lykilorðið þitt einnig í Gegni.

• Undir „Kjörstillingar fyrir kerfisnýjungar“ er hægt að skoða komandi uppfærslur í kerfinu og prófa þær áður en þær eru keyrðar í gegn. Hægt er að kveikja og slökkva á uppfærslunni þangað til að hún er keyrð inn.

• Sjá leiðbeiningar um kjörstillingar notendaviðmóts hér. 

Verkefnalistinn

Í verkefnalistanum er hægt að sjá hvort að einhver verkefni bíða manns, svo sem frátektarbeiðni, endurnýjun á tímaritaáskrift, millisafnalánabeiðni og fleira. Verkefnalistinn er mikilvægasta tól bókasafnsins í kerfinu. Sjá leiðbeiningar um verkefnalistann hér. 

Mikilvægt er að festa verkefnalistann á forsíðuna svo að ekkert fari framhjá manni. Hér eru leiðbeiningar um hvernig á að festa verkefnalistann á forsíðuna, Græjur.

Nýlegar einingar

Undir „Nýlegar einingar“ er hægt að skoða færslur frá síðustu dögum sem þú hefur búið til, uppfært eða eytt út. 

Hér er hægt að velja færslu með því að smella á blýantinn og halda áfram að vinna með hana eða sjá hvers konar breytingar þú gerðir síðast. 

Miðstöð skýjaforrita

Í „ Miðstöð skýjaforrita“ koma upp forrit sem eru tiltæk í kerfinu. Undir „Virk forrit“ eru þau forrit sem búið er að virkja á þessum aðgangi. Undir „Tiltæk forrit“ eru þau forrit sem hægt er að sækja og virkja. Einnig er hægt að leita að sérstöku forriti með því að smella á stækkunarglerið. 

Útprentun límmiða fer til dæmis fram í gegnum skýjaforritið SpineOMatic. Það þarf að setja útprentun límmiða sérstaklega upp í hverjum aðgangi. Hér eru nánari upplýsingar um kjalmiða uppsetningu.

Tilkynningar

Undir tilkynningar birtast tilkynningar frá kerfisframleiðandanum Ex libris. Til dæmis um nýjar uppfærslur í kerfinu.

Stillingar á efstu valmynd

Einnig er hægt að stilla valmyndartáknin með því að fara í þrípunktana efst í hægra horninu, velja „Sérsníða“ og færa táknin til. 

Með því að draga táknin niður er verið að velja að fela þau tákn þannig að þau birtast ekki í hægra horninu nema ef smellt er á þrípunktana. 

Þegar búið er að endurraða og fela táknin þarf að muna að smella á „Vista“.