Græjur - verkefni, tilkynningar, fyrirspurnir og leiðbeiningar

Sjá myndband neðst á síðunni.

Hægt er að stilla forsíðuna eftir eigin hentisemi og velja græjur fyrir hana.

Til þess að finna þær græjur sem eru í boði fyrir forsíðuna þarf að smella á plúsinn í hægra horninu á síðunni.

Mikilvægt er að allir starfsmenn virkja eftirfarandi græjur: Verkefni, Tilkynningar, Fyrirspurnir og leiðbeiningar. 

Verkefnalistinn: Mikilvægt er að virkja verkefnalistann til þess að fylgjast með verkefnum sem bíða þín. Á verkefnalistanum birtast meðal annars frátektarbeiðnir, beiðnir um millisafnalán og áminningar um að endurnýja tímaritaáskriftir. 
Hér eru ítarlegri leiðbeiningar um verkefnalistann.

Tilkynningar: Þar birtir Landskerfi bókasafna fréttir og tilkynningar um breytingar á kerfinu, nýjar uppfærslur, námskeið eða leiðbeiningar sem hægt er að skoða. Ef blátt tákn birtist til hliðar við tilkynningu er hægt að smella á táknið og fara yfir á aðra síðu með frekari upplýsingum.

Fyrirspurnir og leiðbeiningar: Græja sem tengist beiðnakerfi Landskerfis bókasafna er aðgengileg í Gegni. Þar er hægt að senda inn beiðnir og leita að leiðbeiningum sem eru í þjónustugátt Landskerfis bókasafna. Hér eru ítarlegri leiðbeiningar um Fyrirspurnir og leiðbeiningar. 

Einnig eru í boði fleiri græjur sem gætu gagnast söfnum og starfsfólki þeirra. Svo sem „Fréttir af landskerfi.is“, „Virkar frátektir - kort að renna út“ og „Lýsing eintaks í eintaki - Upptalning A tómur“.

Þegar búið er að haka við þær græjur sem eiga að vera á forsíðunni skal smella á x í hægra horninu til þess að loka glugganum.

ATH: Þegar verið er að laga stillingar þá getur verið gott að skrá sig út og inn til þess að stillingarnar taki við sér.

Hægt er að færa græjur fram og til baka á forsíðunni með því að smella efst á græjuna og draga hana til.