Að finna lánþegafærslu

Það eru nokkrar leiðir til þess að finna lánþegafærsluna til að sjá ítarlegar upplýsingar um notanda. Það er bæði hægt að skoða þær í gegnum Umsjón með lánþegaþjónustu og með því að leita að lánþega í leitarstikunni. 

TABLE OF CONTENTS

• Að opna lánþegafærsluna gegnum lánþegaþjónustusíðu
• Að finna lánþegafærslu með leitarstikunni
• Fliparnir í lánþegafærslunni

Að opna lánþegafærsluna gegnum lánþegaþjónustusíðu

Til þess að komast í lánþegafærsluna í gegnum lánþegaþjónustusíðuna er farið í „Umsjón með lánþegaþjónustu“ undir „Útlán“.   

Þar er lánþeginn fundinn með því að fletta upp nafni, kennitölu eða skanna inn strikamerki.

Þegar búið er að fletta lánþeganum upp birtast upplýsingar um lánþegann vinstra megin á skjánum. Þar er hægt að smella á nafn lánþegans til að opna fulla lánþegafærslu í renniglugga.

Í renniglugganum sjást flipar með aðgengi að mismunandi atriðum. 

Nánari leiðbeiningar um hvern flipa fyrir sig má finna neðar í þessari grein.

Að finna lánþegafærslu með leitarstikunni

Leitarstikan kemur að góðum notum ef maður vill fara beint í að breyta ítarlegum lánþegaupplýsingum. 

Fyrst þarf að velja „Notendur“ í leitarstikunni og þá er hægt að leita eftir nafni, kennitölu, netfangi eða skanna inn lánþegakort.

Hér þarf að finna réttan lánþega, fara í þrípunktinn og ýta á „Breyta“ eða smella á nafnið. Þá er farið beint í lánþegafærsluna.

Efst á síðunni fyrir lánþegafærsluna eru flipar með aðgengi að mismunandi atriðum.

Nánari leiðbeiningar um hvern flipa fyrir sig má finna neðar í þessari grein.

Fliparnir í lánþegafærslunni

Nánari leiðbeiningar um hvern flipa:

• Almennar upplýsingar
• Samskiptaupplýsingar
• Auðkenni
• Athugasemdir
• Bönn
• Sektir/gjöld
• Talnagögn [leiðbeiningar væntanlegar]
• Viðhengi
• Staðgengill fyrir [ekki notað]
• Ferill