Að leita að efni í þínu bókasafni

EFNISYFIRLIT

• Að leita að efni í þínu bókasafni fyrir eina tiltekna leit. 
• Að leita að efni í tilteknu bókasafni og vista þær stillingar. 

Hægt er að stilla áþreifanlega leit þannig að hún leiti aðeins að efni í þínu safni. Þ.e.a.s. „Áþreifanlegir titlar“, „Forðafærslur fyrir áþreifanleg viðföng“ og „Áþreifanleg eintök“.  

Að leita að efni í þínu bókasafni fyrir eina tiltekna leit. 

Til þess að leita aðeins að efni í þínu bókasafni fyrir eina tiltekna leit þá er hægt að þrengja leitina með því að nota síunarlistann sem er vinstra megin í leitinni.

Þetta á aðeins við um leit í „Forðafærslur fyrir áþreifanleg viðföng“ og „Áþreifanleg eintök“. Ef glugginn sést ekki þá gæti þurft að festa hann með því að smella á örvarnar vinstra megin á skjánum. 

Þá er hægt að þrengja leitina með því að smella á nafn bókasafnsins eða haka við þau bókasöfn sem þú vilt sjá leitarniðurstöður fyrir og velja „Nota“. 

Athugið að möguleikinn að haka við marga síunarhluta í einu er í innleiðingarferli hjá Exlibris og er því enn sem komið er aðeins í boði á einstökum svæðum í kerfinu. 

Bókasafnið sem þú ert skráður á birtist efst á listanum. Hinsvegar festist þessi leit ekki inni og næst þegar þú leitar að einhverju þá mun leitin aftur sýna niðurstöður úr öllum bókasöfnum í þínum safnakjarna. 

Að leita að efni í tilteknu bókasafni og vista þær stillingar. 

Til þess að vista leitina þannig að hún leiti einungis að efni í tilteknu bókasafni eða bókasöfnum í hvert skipti sem þú leitar að einhverju áþreifanlegu efni þá þarf að smella á „Stig bókasafns“ eða „Umfang bókasafns“ í síunarlistanum til vinstri. 

Hér er hægt að velja það bókasafn eða þau bókasöfn sem þú vilt sjá niðurstöður fyrir og smella á „Apply“ neðst í listanum.

Einnig er hægt að leita að bókasöfnum í leitarglugganum efst uppi.

Nú mun leitarniðurstaðan einungis sýna niðurstöðu fyrir leit í því bókasafni eða þeim bókasöfnum sem þú hefur valið í hvert skipti sem þú notar áþreifanlega leit. Stillingin vistast sjálfkrafa fyrir aðrar áþreifanlegar leitir, þannig að nóg er að stilla þetta á einum af eftirtöldum stöðum: „Áþreifanlegir titlar“, „Forðafærslur fyrir áþreifanleg viðföng“ eða „Áþreifanleg eintök“.  

Ef þú vilt svo sjá niðurstöður fyrir fleiri bókasöfn aftur þarf að smella aftur á „Stig bókasafns“ eða „Umfang bókasafns“ og velja „Clear all“.