Að færa eintök á milli safndeilda

Til þess að færa efni á milli safndeilda er farið í „Skanna eintök“.  „Skanna eintök“ finnst bæði undir „Aðföng“ og „Útlán“ í vinstri valmyndinni.

Ath: Starfsmenn sem hafa heimild í fleiri en eitt safn þurfa að gæta þess að staðsetja sig á réttu safni áður en „Skanna eintök“ er notað.

Í  „Skanna eintök“ þarf að smella á gluggann „Breyta upplýsingum um eintak“.

Þá opnast form þar sem þarf að fylla út viðeigandi upplýsingar.

• „Breyta tegund“: Hér skal velja „Varanlegt“ ef á að færa eintökin varanlega yfir á nýja safndeild.
• „Safndeild“ : Hér skal velja í hvaða safndeild eintökin eiga að fara. 
  • Listinn sýnir eingöngu safndeildir sem eiga við safnið þar sem starfsmaður er staðsettur. 
• „Eintakastaða“: Hér er hægt að breyta eintakastöðu eintaksins. Ef ekkert er valið helst eintakastaðan óbreytt. 
  • Ef  valin er ný eintakastaða sem hefur ekki áður verið notuð í safninu þá er ekki sjálfgefið að útlánareglur safnsins geri ráð fyrir henni. Sjá nánar um eintakastöður.
• „Skanna strikamerki eintaks“: Hér skal skanna inn strikamerki á þeim eintökum sem á að færa
• Smella að lokum á „Í lagi“.

Eintökin hafa nú verið færð yfir á nýja safndeild og upplýsingar um eintakið birtast .