Eintakastaða

Breytt Mon, 18 Ág kl 8:51 AM

EFNISYFIRLIT

Hvað er eintakastaða?
Eintakastöður í Gegni

Hvað er eintakastaða?

Eintakastaða (áður kallað „regla eintaks“) er oft notuð til að lýsa því hvernig eintak lánast út.

Útlánareglur geta byggst á öðrum atriðum í eintakinu, t.d. safndeild eða efnistegund. Reiturinn fyrir eintakastöðu er ekki skyldureitur, en flest söfn nota samt eintakastöðu til að stýra útlánareglum. Það er þó ekki öruggt að allar eintakastöður séu skilgreindar í útlánaregluverki bókasafnsins. Þetta á sérstaklega við um bókasöfn sem rukka sektir eða eru með aðrar sértækar útlánareglur.

Dæmi:
Bókasafn sem venjulega lánar eintök í 14 eða 30 daga með mismunandi sektum gæti viljað bæta við 3 daga útlánum. Þá væri ekki nóg að velja „3 dagar“ úr fellilista inni í eintakinu, heldur þyrfti líka að láta Landskerfi bókasafna vita hvaða aðrar útlánareglur eiga að gilda um slík eintök.

Margar eintakastöður eru sértækar fyrir ákveðnar safnategundir og eru því aðeins í boði í viðkomandi safnakjörnum.

Verði breytingar á gjaldskrá safns þarf að tilkynna það til Landskerfis bókasafna svo hægt sé að uppfæra stillingar í kerfinu.

Eintakastöður í Gegni

Eintakastöður eftir safnakjörnum:

Heiti	Kóði	ALM	GRUNNSK	FRAMHSK	SERFR	HEILBR	HALA	HR	LHI	LBS
1 dagur	01	X	X	X			X			X
2 dagar	02	X	X	X		x
3 dagar	03	X	X	X		X	X	X	X	X
4 dagar	04	X
7 dagar	07	X	X	X	X	X	X	X	X	X
10 dagar	15	X	X
14 dagar	14	X	X	X	X	X	X		X	X
30 dagar	30	X	X	X	X	X	X	X	X	X
6 vikur *	06	X
2 mánuðir	32	X
3 mánuðir	33	X			X
6 mánuðir	36					X	X
12 mánuðir	39				X	X	X
Annarlán	37	X	X	X			X			X
Vetrarlán	38	X	X	X
Innanhússlán	09	X	X	X	X	X		X		X
Afnot á safni	10	X	X	X	X	X	X		X	X
Óskráð lán *	17									X
Lestrarsalslán *	19	X								X
Takmarkað lán *	41									X
Afnot óheimil	42									X
Vantar á Landsbókasafn	43									X
Tæki og tól *	60		X

* Í endurskoðun

Sumarið 2025 fór fram tiltekt og samræming á kóðum og heitum fyrir eintakastöður. Við tiltektina voru nokkrar eintakastöður teknar úr notkun og fengu heitið „z Ekki notað“ og með kóðanúmer í sviga fyrir aftan. Þessar eintakastöður þurfa að vera til staðar um sinn vegna tölfræðivinnslu, en munu að lokum hverfa úr kerfinu.