Að skoða upplýsingasíðu lánþegans

Það eru nokkrar leiðir til þess að skoða ítarlegar upplýsingar um notanda. Það er bæði hægt að skoða þær með því að leita að lánþega í leitarglugganum og í gegnum umsjón með lánþegaþjónustu. 

EFNISYFIRLIT

• Ítarlegar upplýsingar í gegnum leitarglugga
• Ítarlegar upplýsingar í gegnum lánþegaþjónustusíðu

Ítarlegar upplýsingar í gegnum leitarglugga

Leitarglugginn kemur einnig að góðum notum ef maður vill fara beint í að breyta ítarlegum lánþegaupplýsingum. 

Fyrst þarf að velja „Notendur“ og þá er hægt að leita eftir nafni, kennitölu eða skanna inn lánþegakort.

Hér þarf að finna réttan aðila, fara í þrípunktinn og ýta á „Breyta“ eða smella á nafnið. Þá er farið beint í ítarlegar notendaupplýsingar um notanda.

Efst á upplýsingasíðu lánþegans eru flipar með aðgengi að mismunandi þáttum.

Hægt er að  smella titlana hér að neðan fyrir nánari upplýsingar.

• Almennar upplýsingar
• Samskiptaupplýsingar
• Auðkenni
• Athugasemdir
• Bönn
• Sektir/gjöld
• Talnagögn
• Viðhengi
• Staðgengill fyrir
• Ferill   

Ítarlegar upplýsingar í gegnum lánþegaþjónustusíðu

Til þess að komast í ítarlegar upplýsingar um lánþega í gegnum lánþegaþjónustu síðuna er farið í „Umsjón með lánþegaþjónustu“ undir „Útlán“.   

Þar er lánþeginn fundinn, með því að fletta upp nafni eða skanna inn strikamerki.

Þegar búið er að fletta lánþeganum upp birtast upplýsingar, tengdar safninu hægra megin á skjánum. Þar er hægt að „Breyta athugasemdum“ ef þörf krefur. 

Einnig er hægt að fara í ítarlegar upplýsingar í gegnum notendaþjónustusíðuna með því að fara yfir í gegnum flýtiumsjón notanda. Þá er farið í „Breyta upplýsingum notanda“.