3. Uppfæra raðtákn (Eintök í vinnslu og lýsigagnaritill)

Sjá myndband neðst á síðunni. 

Þessi hluti ferilsins er einungis mikilvægur ef þarf að laga raðtáknið, til að mynda þegar um nýjar forðafærslur er að ræða. 

Kerfið sér hvaða raðtákn hefur verið notuð í sömu forðafærslu og afritar hana yfir á öll eintök.

EFNISYFIRLIT

• Skref 1 - Smella skal á „Eintök í vinnslu“ (undir „Aðföng“ í vinstri valmynd).
• Skref 2 - Smella á þrípunktana og velja „Breyta eintaki í safnskrá“.
• Skref 3 - Til þess að breyta forðafærslunni er smellt á hlekkinn undir „Forði“ hægra megin á skjánum eða í borðanum efst uppi á skjánum (fer eftir skjálögun).  
• Skref 4 -  Smella á „Breyta“.
• Skref 5 - Laga raðtáknið í línu 852. Passa að stroka ekki út $$h.
• Skref 6 - Smella á „Vista og losa færslu“, fara til baka í „Eintök í vinnslu“.
• Skref 7 - Aðeins ef þarf að breyta um strikamerki skal smella á „Fela lýsigagnaritil“, breyta um strikamerki og velja „Vista“.

Skref 1 - Smella skal á „Eintök í vinnslu“ (undir „Aðföng“ í vinstri valmynd).

Það er farið í „Eintök í vinnslu“ undir „Aðföng“ í vinstri valmyndinni. 

Eftirfarandi stillingar þarf einungis að stilla einu sinni og svo festast þær inni. 

Það þarf að passa að „Tegund verkbeiðni“ sé alltaf stillt á „Acquisition technical services“. 

Mikilvægt er að fara í tannhjólið og velja „Raðtákn“ og fara neðst í listann og velja „Lokið“. Þá er hægt að sjá raðtáknið á nýju titlunum og skoða hvort það sé allt rétt skráð. 

Athugið að velja „Raðtákn“, en alls ekki „Raðtákn eintaks“.

Það er hægt að sía listann eftir ferilstöðu eintakanna í „Staða ferils“. Til þess að sjá allan listann skal hafa stillt á „Allt“.

Skref 2 - Smella á þrípunktana og velja „Breyta eintaki í safnskrá“.

Kerfið býr oftast til raðtákn sjálfkrafa út frá Dewey númeri sem er tekið úr bókfræðiskráningunni. Ef það þarf að breyta raðtákninu á þínu safni þá þarf að smella á þrípunktana og velja „Breyta eintaki í safnskrá“.

Þá opnast gluggi sem heitir „Ritill fyrir áþreifanleg eintök“. 

Skref 3 - Til þess að breyta forðafærslunni er smellt á hlekkinn undir „Forði“ hægra megin á skjánum eða í borðanum efst uppi á skjánum (fer eftir skjálögun).  

eða:

Skref 4 -  Smella á „Breyta“.

Þá opnast gluggi sem heitir Færsluyfirlit og þar skal smella á „Breyta“ til þess að laga forðafærsluna.

Skref 5 - Laga raðtáknið í línu 852. Passa að stroka ekki út $$h.

Nú opnast lýsigagnaritillinn. Aftarlega í línu 852 birtist $$h og tillaga að raðtákni þar fyrir aftan. Í sumum tilfellum birtist textinn „Flokkstala hér“. 

Ef ekkert $$h er í línunni þarf að bæta því við. Það þarf líka að passa að eyða hvorki út $$h né bilinu á milli $$h og raðtákns. 

Hér er sett inn raðtákn samkvæmt venjum á viðkomandi safni. Hafa þarf í huga að raðtáknið í forðafærslunni gildir fyrir öll eintök af sama titli sem eru í sömu safndeild. 

ATH: Þegar kjalmiðinn er prentaður kemur ný lína á eftir hverju bili í raðtákninu. Ef nauðsynlegt er að setja bil á milli orða sem eiga að vera í sömu línu þarf að nota fastbil (non-breaking space).  Það er gert með ALT-0160, þ.e. halda ALT takkanum niðri og slá inn 0160 á talnaborðinu hægra megin á lyklaborðinu. Þá verður til önnur tegund af bili sem kallar ekki á línuskiptingu í útprentun.

Skref 6 - Smella á „Vista og losa færslu“, fara til baka í „Eintök í vinnslu“.

Þegar búið er að laga raðtáknið er farið í „Vista og losa færslu“ í flettiglugga undir „Vista“ eða ýtt á flýtitakkana Ctrl+Alt+R  á lyklaborðinu. 

Þegar kerfið hefur lokið við að vista þá hverfur færslan úr lýsigagnaritlinum og þá er hægt að fara aftur yfir í „Eintök í vinnslu“. Ef það þarf að breyta um strikamerki skal fylgja næsta skrefi.

Skref 7 - Aðeins ef þarf að breyta um strikamerki skal smella á „Fela lýsigagnaritil“, breyta um strikamerki og velja „Vista“.

Ef það þarf að breyta um strikamerki þá er farið í „fela lýsigagnaritil“ neðst í vinstra horninu eða ýtt á Alt+M  á lyklaborðinu.   

Þá opnast aftur gluggi sem heitir „Ritill fyrir áþreifanleg eintök“.

Hér er hægt að stroka út strikamerkið og setja inn viðeigandi strikamerki. Ekki skal smella á „Búa til“.

Svo skal smella á „Vista“ og þá opnast glugginn aftur inn í „Eintök í vinnslu“. 

Sjá leiðbeiningar fyrir næsta skref á aðfangafæribandinu: 

4. Kjalmiðaprentun (Eintök í vinnslu og SpineOMatic)