Óúthlutuð verkefni á verkefnalistanum

Á stórum söfnum er mikilvægt að hafa gott verklag um það hverjir sjá um tiltekin verkefni, svo sem millisafnalán, pantanir, reikninga o.fl. Mörg verkefni sem sitja í verkefnalistanum er ekki búið að úthluta á neinn. Það þarf að skoða þann lista og athuga hvort að bókasafnið þitt á einhver verkefni sem ekki er búið að úthluta og úthluta þeim verkefnum á rétta manneskju. Ekki er alltaf nauðsynlegt að úthluta verkefnum á starfsmann til þess að vinna með þau.

Ath. Allir starfsmenn hafa aðgang að þeim verkefnum sem ekki hefur verið úthlutað.

Úthlutun 

Á verkefnalistanum birtast ýmis verkefni sem geta heitið „Án úthlutunar“. Hægt er að smella á þau verkefni og úthluta á viðeigandi starfsmann.

Hér er dæmi um hvernig er hægt að úthluta verkefni á verkefnalistanum.

Smella á „Yfirferð - án úthlutunar“ 

Fara í þrípunktana og velja annaðhvort „Úthluta til mín“ eða „Úthluta til“. 

Ef valið er „Úthluta til“ þarf að velja viðeigandi starfsmann og smella á „Vista“. Hægt er að setja inn athugasemd með úthlutuninni. 

Þá birtist það á verkefnalista þess starfsmanns sem „úthlutað til þín“. Skilaboðin sem sett voru inn sjást undir „Athugasemdir“.