2. Móttaka titla - Taka á móti

Sjá myndband neðst á síðunni.

Móttaka á nýju efni

Þegar búið er að panta er farið í að móttaka eintökin. Þetta er gert þegar þú hefur fengið eintökin í hendurnar frá birgja eftir pöntun eða strax ef þú ert með eintökin fyrir framan þig.

EFNISYFIRLIT

• Skref 1 - Smella skal á „Taka á móti“ (undir Aðföng í vinstri valmyndinni).
• Skref 2 - Passa þarf að vera með hakað við „Halda innan deildar“.
• Skref 3 - Listi á að vera síaður eftir „Allt (nema lokað)“ og vera í flipanum „Einu sinni“.  
• Skref 4 - Haka við titlana sem á að móttaka og ýta á „Taka á móti“. Titillinn á að hverfa af listanum.

Skref 1 - Smella skal á „Taka á móti“ undir Aðföng í vinstri valmyndinni.

Mikilvægt er að fylgja leiðbeiningunum hér fyrir neðan nákvæmlega.

Aðfangaferlið getur verið flókið í byrjun en þegar búið er að fara einu sinni í gegnum ferlið án þess að vandamál komi upp verður vinnan auðveldari síðar. 

Þegar verið er að vinna með „Taka á móti“ í fyrsta sinn þarf að passa að velja næsta rétta skref í ferlinu.

Mikilvægustu stillingarnar eru undir skrefi 2 og ef þær eru ekki réttar getur þú lent í vandræðum. 

Skref 2 - Passa að haka við „Halda innan deildar“ undir Móttaka á nýju efni

Móttaka á nýju efni hefst með því að haka við „Halda innan deildar“. Þú kemst ekki áfram í aðfangaferlinu nema það sé valið að „Halda innan deildar“. Ef það er ekki gert skráir kerfið eintökin eins og þau séu komin beint upp í hillu.

Þar sem næsta þrep í ferlinu er að laga kjalmerkingar eða uppfæra raðtákn skal velja „Miðar og prentun 1“ (Miðar og prentun 2 getur verið möguleiki hjá stærri söfn þar sem fleiri en einn aðili koma að skráningu).

Skref 3 - Listi á að vera síaður eftir „Allt (nema lokað)“ og vera í flipanum „Einu sinni“.  

Það þarf að sía listann rétt og passa að vera alltaf með stillt á stöðuna „Allt (nema lokað)“ til þess að sjá alla titla sem hafa verið pantaðir. Einnig þarf að vera í flipanum „Einu sinni“ þegar verið er að vinna með eintök af bókum, spil o.fl. Flipinn „Áskrift“ er notaður fyrir tímarit.

ATH: Ef að titlar sem verið var að panta birtast ekki í Taka á móti þarf að skoða síunina og passa að vera í flipanum „Einu sinni“. Sjá skref 3. 

„Staða“ á bókunum á að vera „Sent“

ATH: Ef bækur eru í stöðunni „Í yfirferð“ þarf að laga pöntunarlínuna (POL). 
Sjá leiðbeiningar: Að laga POL línur sem eru í yfirferð

Skref 4 - Haka við titlana sem á að móttaka og ýta á „Taka á móti“. Titillinn á að hverfa af listanum.

Næsta skref er að haka við þær bækur sem á að móttaka og ýta á „Taka á móti“.
(Ekki skal nota hnappinn „Móttaka allt“) 

Nú á það sem hakað var við að hverfa af listanum.

Eftir þennan feril eru titlarnir aðgengilegir á leitir.is en skráðir sem ekki tilbúnir til útláns þar sem þeir eru enn í aðfangaferlinu.

Ef eitthvað er fast á listanum þarf að skoða pöntunarlínuna (POL) og athuga hvort að eitthvað hafi gleymst.

Sjá leiðbeiningar um  næsta skref á aðfangafæribandinu: 

3. Uppfæra raðtákn (Eintök í vinnslu og lýsigagnaritill)