Hraðtenglavalmynd

Sjá myndband neðst á síðunni. 

Hægt er að stjörnumerkja það sem maður notar helst í kerfinu og búa þar með til flýtitakka eða bókamerki inn á mikilvægar síður. 

Þetta er gert með því að opna viðeigandi valmynd og smella á stjörnuna við hliðina á því sem á að festa í flýtileið. Þegar stjörnurnar eru bláar er búið að búa til hraðtengil fyrir þá síðu.

Til þess að skoða það sem er búið að merkja sem hraðtengil er hægt að smella á „Alma vinnsla“. Þar er einnig hægt að sjá hvaða flýtitakka á lyklaborðinu er hægt að ýta á til þess að komast inn á síðurnar.

Einnig er hægt að velja að „Festa hraðtenglavalmynd“ svo að tenglarnir sem búið er að útbúa birtast alltaf efst á forsíðunni. 

Ef tenglum er bætt við síðar með því að velja stjörnu hjá fleiri síðum þá birtast þeir á hraðtenglavalmyndina.

Til þess að endurraða hraðtenglana er hægt að smella á kassana við hliðina á tenglinum sem á að færa til og draga tengilinn upp eða niður.