Fyrsta innskráning

Sjá myndband neðst á síðunni.

Mikilvægt er að skrá sig inn á réttan safnakjarna og fylgja leiðbeiningum um samsetningu notandaauðkenna (notandanafn og lykilorð/aðgangsorð).

Reglur um notkun notendauðkenna

Allir sem vinna í Gegni þurfa að gera það með sínu persónulega notandaauðkenni (notandanafn og lykilorð/aðgangsorð).

Landskerfi bókasafna býr til notandaauðkenni fyrir starfsmann í kjölfar umsóknar frá honum eða yfirmanni, sé hann til staðar. Sjá nánar í leiðbeiningum um: Nýskráning starfsmanns.

Starfsmaður skuldbindur sig til að hlíta reglum Landskerfis bókasafna um meðferð notandaauðkenna. Í reglunum felst meðal annars að viðskiptamanni eða starfsmönnum hans er ekki heimilt að afhenda notendaauðkennið öðrum en auðkennið er stílað á.

Hvernig geri ég?

Þegar þú hefur fengið aðgang í Gegni er komið að innskráningu. 

1. Fyrst þarf að velja safnakjarna sem bókasafnið þitt er hluti af. Í dæminu hér fyrir neðan er vefslóðin fyrir almenningsbókasöfn. 

Sláðu inn þína kennitölu og notaðu lykilorð/aðgangsorð frá Landskerfi bókasafna, sem sést á myndinni hér fyrir neðan.

2. Næsta skref er að velja sér nýtt aðgangsorð/lykilorð sem verður að uppfylla þessi skilyrði: 

• Vera að lágmarki 8 stafir að lengd (tölustafir og bókstafir).
• Ekki innihalda séríslenska stafi (t.d. á eða ð).
• Einn hástafur og einn tölustafur þurfa að vera með.

3. Að lokum þarf að búa sér til auka notandanafn til að nota við innskráningu í framtíðinni. Ekki á að nota kennitölu til að skrá sig inn þegar kerfið er komið í notkun hjá nýjum starfsmanni.

Auka notandanafn þarf að uppfylla þessi skilyrði: 

• Engin bil leyfð.
• Aðeins lágstafir leyfðir.
• Séríslenskir stafir eru í lagi.
• Þeir sem eiga persónuleg notandanöfn í núverandi kerfi eru hvattir til að nota þau áfram.

Sjá nánari leiðbeiningar um: Auðkenni - strikamerki og auka notanda nafn

Ítarlegri leiðbeiningar um fyrstu innskráningu er að finna í viðhengi neðst á þessari síðu.

Geta margir verið skráðir inn samtímis í sömu tölvu?

Já, en þeir sem nota sömu tölvu samtímis mega ekki nota sama vafra. Ef tveir eða fleiri þurfa að nota sömu tölvuna samtímis, þá þarf að passa upp á að einn sé að nota t.d. Chrome og annar Firefox. Eða að einn sé að nota Chrome og annar að nota „incognito“ glugga í Chrome. Þetta er vegna þess að Alma notar vafrakökur, og það getur ýmislegt skolast til ef það er verið að gera sömu eða svipaða hluti í tveim „alveg eins“ vöfrum.