Vanskila- og útlánalistar

Til þess að komast inn í tölfræðihluta Gegnis sjá :

    Að opna tölfræði í Analytics

Farið er í Greiningu/Analytics og leitað að „Vanskila- og útlánalistar”.  

Hægt er að smella á teiknibóluna til þess að vista listann á forsíðu Greiningar/Analytics.  

Svona lítur glugginn út í ALM

Listarnir birtast hér í nokkrum gluggum.

• Fyrst skal  velja safnið sitt úr fellilista undir „Veljið safn“
• Svo skal smella á „Apply“

Þeir sem mega skoða vanskil á mörgum söfnum geta valið fleira en eitt safn. Þegar búið er að velja safnið í einum glugganum vistast stillingin yfir í næsta glugga.  

Athugið að í listunum kemur bæði fram „Útlánssafn“ og „Eigandi gagns“, þ.e.a.s. annarsvegar safnið sem lánar gagnið út og hins vegar safnið sem á eintakið.

Vanskilalistarnir sýna þau gögn sem eru í útláni og ætti að vera búið að skila, þ.e. síðasti skiladagur var í gær eða fyrr. Útlánaskýrslurnar sýna öll útlán, hvort sem þau eru komin í vanskil eða ekki.

Tvær útgáfur eru af hvorum lista, önnur útgáfan sýnir gögn sem safnið á og í hann koma því útlán þrátt fyrir að gögnin hafi verið lánuð í öðru safni í öðrum skólum á efni safnsins. Þegar skólar lána t.d. bekkjarsett sín á milli koma útlánin á þeim gögnum sem safnið hefur lánað öðrum skóla fram í þessum lista.

Hin útgáfan af sýnir útlán og vanskil á þeim gögnum sem safnið lánaði út óháð því hvaða safn á gagnið. Þetta gagnast þeim skólum sem hafa fengið lánuð bekkjarsett í öðrum skólum og þurfa að geta séð hvort þeirra lánþegar séu búinir að skila þeim.

Skýrslunum er raðað í stafrófsröð eftir bekkjum og innan bekkjanna í stafrófsröð eftir nafni. 

Ef bekkjarupplýsingar vantar hjá einstökum nemendum þarf að setja þær inn handvirkt, sjá hér: Að uppfæra bekkjarupplýsingar. 

Skýrslan sýnir bara bekkjarupplýsingar úr því safni sem er að sækja skýrsluna.

Listarnir sem birtast, hver undir sínum flipa eru

• Vanskilalisti - safnið á gögnin
• Útlánalisti - safnið á gögnin
• Vanskilalisti - safnið lánaði gögnin
• Útlánalisti - safnið lánaði gögnin
• Vanskilalisti - netfang, símanr. og póstnr

Hægt er að sía listana  / raða listunum  út frá ýmsum forsendum,útlánsdagur, skiladagur, lánþegahópur o.s.frv.

Að vista skjalið sem Excel skjal 

Til þess að vista listana niður sem Excel skjal skal smella á Export neðst á síðunni, velja Data og Excel. 

Þá opnast Excel skjal sem hægt er að vinna betur með. 

Til þess að útbúa töflu úr upplýsingunum skal smella inn í dálk A1 og velja CTRL+T á lyklaborðinu. Smella svo á OK. Þá verður til tafla úr upplýsingunum sem hægt er að sía eftir bekkjum og raða upp eins og hentar. 

Athugið að listarnir í Gegni uppfærast einungis á nóttunni. Listarnir eru því með upplýsingar miðað við stöðuna frá deginum áður.