EFNISYFIRLIT

• Inngangur
• Leitarmöguleikar í leitir.is 
• Leitarsíður einstakra bókasafna
• Vefslóðir einstakra bókasafna
• Vefslóðir almenningsbókasafna í einstaka landshlutum
• Leit í safnakjörnum

Inngangur

Leitir.is er leitargátt sem heldur utan um efni í íslenskum bóka-, lista-, minja- og ljósmyndasöfnum. Hægt er að finna bækur, tímarit, tímaritsgreinar, tónlist, myndefni, muni, listaverk, ljósmyndir og fleira.

Hugbúnaðurinn (Primo VE) sem leitargáttin leitir.is byggir á býður einnig upp á möguleika á sérstakri leitarsíðu fyrir einstök bókasöfn. Þetta getur auðveldað lánþegum að finna efni viðkomandi safns.

Leitarsíður safna hafa sín eigin URL. Dæmi:  lbs.leitir.is, amt.leitir.is  

Leitir.is er aðalleitargáttin og þar er hægt að leita í öllu efni rétt eins og hefur verið hægt í Leitir hingað til. Á sértæku leitarsíðunum sem afmarkast við bókasafn er leitað í þrengra mengi gagna. 

Leitarmöguleikar í leitir.is 

Um fjóra valkosti er að ræða: 

• Bókasöfn: leit er framkvæmd í öllum Gegnissöfnum og völdum varðveislusöfnum

• Lista-, minja- og ljósmyndasöfn: leit í Ljósmyndasafni Reykjavíkur og menningarsögulega gagnasafninu Sarpi
• Tímaritsgreinar: úr Gegni, varðveislusöfnum og landsaðgangi
• Allt efni: leit í öllu ofangreindu 
  

Leitarsíður einstakra bókasafna

Öll söfn geta sett vefslóð fyrir leit í eigin safnkosti á heimasíður sínar eða kynnt fyrir lánþegum með öðrum hætti. Hér er boðið uppá þrenns konar leitarmöguleika:

• Mitt bókasafn: leit afmarkast við bókasafnið þar sem þú ert skráður lánþegi og valin varðveislusöfn

• Tímaritsgreinar: úr Gegni, varðveislusöfnum og Landsaðgangi að rafrænum tímaritum - www.hvar.is
• Öll bókasöfn: leitað í öllum söfnum í Gegni

Vefslóðir einstakra bókasafna

Bókasöfn geta fundið vefslóð (URL) síns safns með því fletta upp í neðangreindum skjölum.  

• Almenningsbókasöfn:  
  • Almenningsbókasöfn - vefslóðir og safnkóðar bókasafna 
    

• Bókasöfn framhaldsskóla: 
  • Framhaldsskólar - bókasöfn  og safnkóðar

• Bókasöfn grunnskóla:  
  • Grunnskólar - vefslóðir og safnkóðar bókasafna

  
  

• Háskólabókasöfn á landsbyggðinni:  
  • Háskólar landsbyggðar - vefslóðir bókasafna og safnkóðar
    

• Sérfræðibókasöfn:   
  
  • Stjórnsýslu- og sérfræðibókasöfn, vefslóðir og safnkóðar
                         

Vefslóðir almenningsbókasafna í einstaka landshlutum

Þessu til viðbótar hafa verið settar  upp vefslóðir fyrir öll 

almenningsbókasöfn innan einstakra landshluta.

Dæmi:  Almenningsbókasöfn á austurlandi:  https://austurl.leitir.is

Frá sérstakri síðu hvers bókasafns er hægt að víkka leitina svo hún taki til allra almenningsbókasafna í landshlutanum. 

Dæmi: Ef leitað er á síðunni fyrir Bókasafn Fáskrúðsfjarðar https://bf.leitir.is/ þá birtist fyrir neðan til vinstri valmöguleikinn.  

Ef smellt er á þennan valkost þá víkkar leitin á önnur almenningsbókasöfn á Austurlandi. 

Leit í safnakjörnum

Í kerfinu er líka að finna vefsíður þar sem hægt er að leita í grunneiningum kerfisins, safnakjörnum. 

Dæmi um slíkar síður:

• Almenningsbókasöfn (ALM): alm.leitir.is
• Sérfræðibókasöfn (SERFR):  serfr.leitir.is