Útlán

Sjá myndband neðst á síðunni.

Til þess að lána út efni þarf að byrja á því að finna réttan lánþega. Þá er farið í  „Útlán“ →   „Umsjón með lánþegaþjónustu“ →   „Skanna inn auðkenni lánþega eða leita að lánþega“.  

Sjá  „Að finna lánþegafærslu“ 

Til þess að geta fengið gögn að láni verður lánþegi að vera skráður í notendahóp og með virka lánþegaheimild á bókasafninu 

Lánþegaþjónustusíðan opnast í útlánaglugga. Hér er þá hægt að skanna inn þau gögn sem lánþeginn vill fá lánað.

Kerfið stillir sjálfkrafa á „Þessi lota“. Það þýðir að aðeins þau gögn sem eru lánuð út í þessari vinnulotu koma fram á skjánum. 

Hins vegar ef stillt er á að sía eftir „Allt“ þá er hægt að skoða öll gögn sem notandi er með í láni. Þessi stilling vistast þangað til henni er breytt aftur til baka.

Starfsmaður sér aðeins útlán á sínu bókasafni auk safna sem eru í útlánasamstarfi við bókasafn starfsmannsins. Þess vegna er ekki hægt að skoða útlán á óskyldum söfnum fyrir hönd lánþegans. Lánþeginn getur séð öll sín útlán á leitir.is, óháð söfnum.

Að lokinni afgreiðslu er gott að ýta á „Lokið“ til að hreinsa skjáinn. Hnappurinn „Lokið“ getur líka útbúið útlánakvittun sem sendist í tölvupósti til lánþegans, en það fer eftir stillingum safns. Mögulegar stillingar fyrir virkni hnappsins „Lokið“ eru:

1. Tölvupóstur (sjálfgefin stilling) 
   Þegar ýtt er á „Lokið“ þá sendist útlánakvittunin í tölvupósti ef lánþeginn er með skráð „valið“ netfang. Ef ekkert „valið“ netfang er í lánþegafærslunni þá birtist prentgluggi fyrir útlánakvittunina og hægt er að velja hvort eigi að prenta kvittunina.
2. Enginn tölvupóstur
   Þegar ýtt er á „Lokið“ þá birtist prentgluggi fyrir útlánakvittunina og hægt er að velja hvort eigi að prenta kvittunina. Enginn tölvupóstur er sendur.
3. Engin útlánakvittun
   Þegar ýtt er á „Lokið“ verður engin útlánakvittun til, hvorki í tölvupósti né útprenti.

Öll söfn í grunnskóla-safnakjarnanum eru stillt á valkost C (engin kvittun). Önnur söfn eru stillt á valkost A þar til um annað er beðið.

Ef ekkert er aðhafst í kerfinu í smá tíma þá hreinsast skjárinn sjálfkrafa og fer yfir í „Umsjón með lánþegaþjónustu“. Í því tilviki er engin útlánakvittun send.

Hægt er að kalla lánþegann aftur fram með því að smella á klukkuna og velja úr lista yfir síðustu lánþega. Þessi listi hreinsast við útskráningu úr kerfinu.