Útlán

Sjá myndband neðst á síðunni.

Til þess að lána út efni þarf að byrja á því að finna réttan lánþega. Þá er farið í  „Útlán“ →   „Umsjón með lánþegaþjónustu“ →   „Skanna inn auðkenni lánþega eða leita að lánþega.  

Sjá  „Að skoða upplýsingasíðu lánþega“ 

Til þess að geta fengið gögn að láni verður lánþegi að vera skráður í notendahóp og með virka lánþegaheimild  á bókasafninu 

Lánþegaþjónustusíðan opnast í útlánaglugga. Hér er þá hægt að skanna inn þau gögn sem lánþeginn vill fá lánað.

Kerfið stillir sjálfkrafa á „Útlán í þessari lotu“. Það þýðir að aðeins þau gögn sem eru lánuð út í þessari vinnulotu koma fram. 

Hins vegar ef smellt er á „Öll útlán“ þá er hægt að skoða öll gögn sem notandi er með í láni. Þessi stilling vistast þangað til henni er breytt aftur til baka.

Starfsmaður sér aðeins útlán á þeim bókasöfnum sem hann er með starfsmannaheimildir í sjálfur, því er ekki hægt að skoða útlán á öðrum söfnum fyrir hönd lánþega. Lánþegi getur skoðað sín eigin útlán á leitir.is.

Mikilvægt er að ýta á „Lokið“ til þess að ljúka við afgreiðslu, annars fer enginn tölvupóstur til lánþegans fyrir útlánalotuna, t.d. kvittun fyrir því sem lánþeginn var að fá lánað. 

Ef ekkert er aðhafst í smá tíma á lánþegaþjónustu síðunni þá hreinsast skjárinn sjálfkrafa og fer yfir í „umsjón með lánþegaþjónustu“, en þá fær lánþegi engan tölvupóst.

Hægt er að afturkalla lánþegaþjónustusíðuna með því að smella á klukkuna og velja síðasta lánþegann sem leitað var að.