Stafrænt bókasafns - starfsmaður aðstoðar lánþega að setja upp bókasafnsskírteini

Athugið að til þess að geta aðstoðað lánþega við að setja upp stafrænt skírteini í símann sinn þarf bókasafn að vera búið að sækja um aðgang að https://smartsolutions.is/, sjá leiðbeiningar hér.

Til þess að geta notað bókasafnsskírteini í símanum þurfa lánþegar að vera með Veskisapp. Þegar búið er að hlaða appinu niður í símann er hægt að sækja sér bókasafnsskírteinið.  

Android notendur sækja app sem heitir Smart Wallet í gegnum Play Store. Einnig er hægt að nota Google Wallet í nýjustu gerðir síma. 

iOS notendur (Iphone) ættu að vera með app sem heitir Wallet í símanum, ef ekki þurfa þeir að sækja það í gegnum App store.

Til þess að búa til aðgang fyrir lánþega þarf að skrá sig inn á heimasíðu smartsolutions. Þar skal smella á bókasafnsskírteinið undir „Pass templates“. 

Nú opnast síða sem heitir „Statistics“ smella skal á gluggann „Passes“. 

Glugginn „Passes“ er með upplýsingar um lánþega og hverjir hafa fengið úthlutað stafrænu skírteini. Athugið að ALLIR passar á landsvísu birtast hér. Hér er hægt að fletta lánþegum upp með kennitölu, strikamerki eða nafni til þess að athuga hvort að þeir séu nú þegar komnir með virkt skírteini. 

Hægt er að haka við til þess að sjá auka upplýsingar um lánþega með því að smella á „Select Additional Columns“ og haka við þær upplýsingar sem þú vilt að birtist á skjánum um lánþegann.

Ef lánþegi hefur ekki fengið úthlutað skírteini áður þá birtist hann ekki þegar honum er flett upp í leitinni. 

Þá skal smella á „Issue a pass“. 

Þá opnast gluggi þar sem á að setja inn kennitölu lánþegans og smella á „Save“. Ekki er hægt að setja inn upplýsingar um nafn eða strikamerki lánþegans þar sem þessar upplýsingar eru sóttar úr Gegni með kennitölunni.

Þegar smellt er á „Save“ þá lokast glugginn og lánþeginn ætti að birtast efst á listanum.

Ef að lánþegi hefur fengið úthlutað skírteini en ekki sett það upp í Veskisappið sitt stendur „Unclaimed“.

Ef lánþegi hefur sett upp skírteini hjá sér þá stendur „Active“. 

Næsta skref er þá að smella á „Distribution page“ hægra megin hjá kennitölu lánþegans. 

Nú opnast gluggi með mynd af QR kóða sem lánþegi þarf að skanna inn, þa opnast gluggi þar sem hægt er að smella á „Download/Niðurhala“ til þess að hlaða skírteininu niður í símann.

Þegar skírteininu hefur verið hlaðið niður í símann þarf lánþegi að smella á skjalið og velja „Add“ til þess að það opnist í appinu „Smart Wallet“ eða „Wallet“.