EFNISYFIRLIT

• Inngangur
• Skref 1a - Starfsmaður sér í verkefnalista að beiðni er með athugasemdir
• Skref 1b - Starfsmaður sér beiðni með stöðuna „Endurnýjunar óskað“
• Skref 2 - Samþykkja eða hafna endurnýjun

Inngangur

Hægt er að hefja endurnýjunarferli millisafnaláns á ýmsan hátt, sjá nánar um endurnýjanir.

Þessi grein gerir ráð fyrir að starfsmaður á safni eintaksins afgreiði beiðni um endurnýjun sem barst frá safni lánþegans. 

Starfsmaður getur ýmist séð endurnýjunarbeiðni í verkefnalista eða fundið millisafnalán með stöðuna „Endurnýjunar óskað“.

Skref 1a - Starfsmaður sér í verkefnalista að beiðni er með athugasemdir

Hafi safn lánþegans sett inn athugasemd með endurnýjunarbeiðninni þá birtist millisafnalánið á verkefnalista hjá safni eintaksins undir „Aðsendar MSL-beiðnir > Með virkar athugasemdir“:

Með því að smella á „Með virkar athugasemdir - án úthlutunar“ birtast beiðnirnar sem eru með virkar athugasemdir. Staða slíkra beiðna getur t.d. verið „Endurnýjunar óskað“.

Skref 1b - Starfsmaður sér beiðni með stöðuna „Endurnýjunar óskað“

Hafi safn lánþegans ekki sett inn athugasemd með endurnýjunarbeiðninni þá birtist millisafnalánið ekki heldur á verkefnalista hjá safni eintaksins. Slíkar beiðnir sjást þó alltaf undir Útlán > Aðsendar MSL-beiðnir og eru með stöðuna „Endurnýjunar óskað“.

Skref 2 - Samþykkja eða hafna endurnýjun

Starfsmaður getur samþykkt endurnýjunarbeiðnina eða hafnað henni.

Það er gert með því að ýta á þrípunktana og velja „Endurnýja“.

Í forminu er hægt að velja „Já“ eða „Nei“ við því hvort eigi að samþykkja endurnýjunina.

Ef samþykkja á endurnýjun þá þarf að velja inn nýjan skiladag. 

Einnig er hægt að setja inn texta í athugasemd til samstarfsaðila. Ef það er gert þá birtist millisafnalánið í verkefnalista hjá samstarfssafninu.

Ýta svo á hnappinn „Endurnýja“

Beiðnin fær nú stöðuna „Móttekið af samstarfsaðila“ og skiladagur hefur uppfærst.

Sjálfkrafa póstur er einnig sendur til lánþegans um að millisafnalánið hafi verið endurnýjað. Sá póstur er sendur í nafni safns lánþegans.

Skref 3 - Gera athugasemd óvirka svo hún hverfi úr verkefnalista

Hafi safn lánþegans sett inn athugasemd með endurnýjunarbeiðninni þá birtist millisafnalánið á verkefnalista hjá safni eintaksins undir „Aðsendar MSL-beiðnir > Með virkar athugasemdir“. 

Þessi athugasemd verður ekki sjálfkrafa óvirk þó að endurnýjun hafi verið samþykkt.

Inni í beiðninni er hægt að merkja athugasemdir sem „óvirkar“ til að millisafnalánið hverfi af verkefnalista.

Smellið á „Athugasemdir“ og svo á bláa sleðann hjá „Active notes“. Þá verður sleðinn grár og athugasemdin óvirk. 

Við þetta sést millisafnalánabeiðnin ekki lengur í verkefnalista undir „Með virkar athugasemdir“.