Að bæta við eða fella niður sektir og gjöld

Sjá myndband neðst á síðunni.

Til þess að  bæta við sekt eða fella niður sektir og gjöld er smellt á upphæðina á lánþegaþjónustu síðunni eða leitað að lánþega og smellt á flipann „Sektir/gjöld“.    Sjá Að skoða sektir og gjöld.          

Að bæta við sekt eða gjaldi

Þegar búið er að opna síðuna „Sektir/gjöld“ er hægt að smella á hnapp sem heitir „Bæta við sekt eða gjaldi“. 

Þá opnast form sem þarf að fylla inn í.

• Það þarf að velja „Tegund gjalds“ úr felliglugga. 
• Velja „Eigandi“ sem er bókasafnið sem skráir sektina. 
• Svo skal velja upphæð gjalds. 
• Einnig er hægt að bæta við athugasemd eða tengja eintak við sektina ef við á. 

Þegar búið er að fylla út viðeigandi upplýsingar skal smella á „Bæta við og loka“.

Að fella niður sektir eða gjöld

Hægt er að fella niður stakar sektir með því að fara í þrípunktana hjá sektinni og velja fella niður. 

Einnig er hægt að haka við þær sektir og þau gjöld sem á að fella niður og velja „Fella niður valin atriði“.

Þá opnast síða þar sem hægt er að fylla út ástæðu niðurfellingar og skrifa athugasemdir. Einnig er hægt að velja upphæð sem á að fella niður ef aðeins á að fella niður hluta af skuldinni.

Eða „Fella allt niður“ ef á að fella allt niður.

Þá opnast yfirlit yfir þær sektir sem á að fella niður, upphæð samtals og hægt er að velja ástæðu niðurfellingar úr felliglugga.  Einnig er hægt að bæta við athugasemdum.

Að lokum er smellt á „Fella niður“, þá opnast gluggi þar sem skal „Staðfesta“ niðurfellingu.